THIRRJE PËR PARAQITJEN E SHPREHJES SË INTERESIT PËR ANËTARË TË KOMISIONIT TË GJYKIMIT DISIPLINOR PROFESIONAL

April 6, 2023

Bazuar në nenin 15, të Ligjit Nr. 163/2014 (i ndryshuar) për Urdhrin e Punonjësve Socialë në Republikën e Shqipërisë, në Kodin e Etikës dhe Deontologjisë dhe në Statutin e Urdhrit të Punonjësve Socialë shpallet thirrja për paraqitjen e shprehjes së interesit për anëtarë të Komisionit të Gjykimit Disiplinor Profesional pranë Urdhrit të Punonjësve Socialë.

Njoftohet të gjithë të interesuarit të shprehin interesin e tyre brenda datës 25 Tetor 2023 përmes dorëzimit të dokumentacionit përkatës pranë Urdhrit të Punonjësve Socialë.

Komisioni i Gjykimit Disiplinor Profesional

1. Pranë Këshillit Kombëtar të Urdhrit të Punonjësve Socialë funksionon Komisioni i Gjykimit Disiplinor Profesional, i cili është organ i gjykimit profesional.
2. Komisioni verifikon dhe shqyrton ankesat e bëra nga çdo person apo institucion në organet e Urdhrit, të cilat lidhen me ushtrimin e profesionit dhe përbëjnë shkelje të Kodit të Etikës dhe Deontologjisë të Punonjësit Social.
3. Komisioni i Gjykimit Disiplinor Profesional përbëhet nga 7 anëtarë, të zgjedhur nga Këshilli Kombëtar.
4. Mënyra e ngritjes dhe funksionimit të Komisionit të Gjykimit Disiplinor Profesional përcaktohet në statut dhe në rregulloren e gjykimit profesional të Urdhrit.

Kanditaturat për anëtarë të Komisionit të Gjykimit Disiplinor Profesional duhet të plotësojnë këto kritere:

1. Të kenë përvojë jo më pak se 10 vjet në ushtrimin e profesionit;
2. Të mos jenë ndëshkuar me masë disiplinore në pesë vitet e fundit;
3. Të mos jenë të dënuar nga organet e drejtësisë;
4. Të mos kenë lidhje të afërt gjinie apo krushqie me ndonjë anëtar të Këshillit Kombëtar;

Të interesuarit duhet të jenë punonjës social, anëtarë të Urdhrit të Punonjësve Socialë, me integritet të lartë moral dhe profesional.

Të interesuarit duhet të dorëzojnë dokumentacionin e mëpohtëm:

1. Letër shprehje interesi
2. CV
3. Fotokopje te diplomave dhe kualifikimeve
4. Dëshmi penaliteti

Afati i dorëzimit të aplikimit: Deri më 25 Tetor 2023.

Aplikimet duhet të dorëzohen (dorazi ose me postë) të mbyllura në zarf me mbishkrimin aplikim për anëtarë të Komisionit të Gjykimit Disiplinor Profesional në adresën e Urdhrit të Punonjësve Socialë, si më poshtë vijon:

Urdhri i Punonjësve Socialë në Republikën e Shqipërisë, rruga “Jusuf Vrioni”, Pallati 1, Kati i I-rë , Tiranë, Shqipëri.