Këshilli Kombëtar

Këshilli Kombëtar i Urdhrit është organi ekzekutiv i Urdhrit, i cili përbëhet nga 15 anëtarë, ndër të cilët 10 janë të zgjedhur nga Asambleja, përfshirë Kryetarin, dhe 5 të tjerët janë përkatësisht një përfaqësues nga ministria përgjegjëse për çështjet sociale, një përfaqësues me rotacion nga ministritë e përmendura në pikën 1, të nenit 9, të këtij ligji, dy përfaqësues nga institucionet e arsimit të lartë të shkencave të punës sociale, një përfaqësues nga shoqatat e punonjësve socialë, të caktuar nga Kryetari i Urdhrit, sipas kritereve të përcaktuara në statut.

Kandidatët për anëtarë në Këshillin Kombëtar, të zgjaedhur nga Asambleja, duhet të plotësojnë këto kritere:

• të jenë shtetas shqiptar me banim të përhershëm në Shqipëri;
• të jenë anëtarë i Urdhërit;
• të kenë përvojë jo më pak se 5 (pesë) vjet në ushtrimin e profesionit të punonjësit social;
• të mos kenë marrë masë disiplinore në 5 (pesë) vitet e fundit;
• të mos jenë dënuar me vendim të formës së prerë për kryerjen e një vepre penale.
• Anëtarët e Këshillit Kombëtar kanë të drejtë rizgjedhjeje vetëm një herë.