Kryetari

1. Kryetari i Urdhrit të Punonjësve Socialë është kryetari i Këshillit Kombëtar dhe përfaqëson Urdhrin në marrëdhëniet me palët e treta.
2. Kryetari i Urdhrit të Punonjësve Socialë zgjidhet me votim të fshehtë nga Asambleja, midis jo më pak se dy kandidaturave alternative.
3. Mandati i Kryetarit të Urdhrit është 3 vjet, me të drejtë rizgjedhjeje vetëm një herë.
4. Kandidaturat për Kryetar të Urdhrit të Punonjësve Socialë duhet të përmbushin këto kritere:
   • të jenë shtetas shqiptarë, rezidentë në Shqipëri;
   • të jenë anëtarë të Urdhërit dhe të jenë jo më shumë se në moshën e daljes në pension në momentin e zgjedhjes;
   • të kenë jo më pak se 5 (pesë) vjet përvojë në ushtrimin e profesionit të punonjësit social;
   • të kenë aftësi komunikuese, organizuese dhe drejtuese;
   • të mos jenë marrë ndaj tyre masa ndëshkimore disiplinore në 5 vitet e fundit;
   • të mos jenë dënuar me vendim gjykate, të formës së prerë, për kryerjen e një vepre penale.
5. Funksioni i Kryetarit të Urdhrit është i papajtueshëm me çdo funksion tjetër administrativ, shtetëror apo politik.