PYETJE ORIENTUESE PËR VLERËSIMIN E PRAKTIKËS PROFESIONALE NË PUNË SOCIALE

June 5, 2025

1. Konteksti institucional dhe roli i punonjësit social

Si është organizuar struktura institucionale në të cilën keni realizuar praktikën?
Cili është roli konkret i punonjësit social në këtë institucion?
Si ndërthuret puna e punonjësit social me profesionistët e tjerë në shërbimet ndërdisiplinare?
Cilat janë përgjegjësitë e përditshme të punonjësit social në këtë kontekst?
Cilat janë nevojat më të shpeshta të përdoruesve të shërbimeve në institucionin tuaj të praktikës?
Si e përjetuat integrimin tuaj si punonjës social në proceset e punës?
A keni marrë pjesë në mbledhje apo takime të brendshme profesionale? Çfarë roli keni pasur?
Cilat janë sfidat më të mëdha që hasin punonjësit socialë në këtë institucion?

2. Zbatimi i procesit në menaxhimin e rasteve

Përshkruani mënyrën si realizohet vlerësimi fillestar i rasteve në institucion.
Çfarë teknikash apo instrumentesh përdoren për mbledhjen e informacionit gjatë punës me rastin?
Cili është dokumentacioni bazë që mbahet për çdo rast?
Si ruhet konfidencialiteti dhe privatësia e rasteve në institucion?
Cilat janë hapat që ndiqen nga identifikimi i rastit deri te mbyllja e tij?
Si realizohet referimi i rasteve që tejkalojnë kapacitetin apo kompetencën e institucionit tuaj?
A ka ndonjë procedurë të standardizuar për ndjekjen e rasteve urgjente?
Cili është roli i institucionit në rrjetin lokal të mbrojtjes sociale?

3. Etika profesionale dhe reflektimi mbi sjelljen etike

Si e kuptoni dhe zbatoni parimin e barazisë dhe mosdiskriminimit në praktikën profesionale?
Si do të vepronit nëse përballeni me një konflikt interesi mes jush dhe rastit?
Çfarë qëndrimi duhet të mbajë një punonjës social kur ndeshet me një koleg që shkel etikën profesionale?
Si e menaxhoni ndarjen e informacionit profesional me palë të treta?
Cili është qëndrimi i duhur në raport me median dhe përfaqësimin publik të rastit?
Çfarë domethënie ka pëlqimi i informuar në procesin e punës sociale?
A ekziston rreziku i mbipërfshirjes emocionale në një rast dhe si mund të shmanget kjo?
Si ndikojnë normat kulturore dhe sociale në vendimmarrjen etike në praktikën tuaj?

4. Supervizimi

A keni pasur një plan pune të mirëpërcaktuar në bashkëpunim me supervizorin?
Si është zhvilluar procesi i supervizimit gjatë praktikës suaj?
Cilat ishin momentet më të vlefshme të të nxënit gjatë praktikës?
Në cilat situata ndjetë nevojën për më shumë mbështetje nga supervizori?
Si e vlerësoni përputhshmërinë mes njohurive teorike dhe përvojës praktike?
Cilat janë kompetencat që ndjeni se keni përvetësuar më së miri gjatë praktikës?
A ka ndikuar praktika në formësimin e profilit tuaj profesional? Si?
Cilat janë aspektet që do të sugjeronit për përmirësimin e procesit të praktikës?

5. Perspektiva profesionale dhe përshtatja me rolin social

Si e shihni rolin tuaj si punonjës social në të ardhmen?
Cilat janë fushat ku ndjeni nevojë për zhvillim të mëtejshëm profesional?
Si do të përmirësonit shërbimet që ofron institucioni ku keni kryer praktikën?
A keni pasur mundësi të jepni sugjerime për përmirësimin e punës? Si janë pritur ato?
Si mendoni se mund të rritet ndikimi i punës sociale në institucionet publike?
Cilat janë pritshmëritë tuaja nga një vend pune si punonjës social?
Si mund të ruani integritetin profesional në mjedise me presione institucionale apo politike?

GRUP PYETJESH TEMATIKE SIPAS SEKTORËVE

Në fushën e arsimit:

Cili është roli i punonjësit social në identifikimin e fëmijëve në rrezik braktisjeje shkollore, fëmijëve viktima të dhunës dhe bullizmit dhe si ndërhyn ai/ajo në këto raste?
Cilat janë dokumentet që punonjësi social harton dhe mban në bashkëpunim me institucionin arsimor (p.sh. plane ndërhyrjeje, raporte vlerësimi, etj.)?
Si realizohet bashkëpunimi midis punonjësit social dhe mësuesit kujdestar në menaxhimin e rasteve të dhunës, abuzimit dhe bullizmit në shkollë?
Përmendni aktet ligjore dhe protokollet për mbrojtjen e fëmijëve në institucionet arsimore që duhet të zbatojë punonjësi social (p.sh. VKM, Udhëzime, Protokolle etj.).

Në sistemin e shëndetësisë:

Cili është roli i punonjësit social në një spital rajonal ose qendër shëndetësore në lidhje me pacientët në situate të vështira?
Cilat janë dokumentet bazë që hartohen nga punonjësi social në shëndetësi (si p.sh. vlerësimi social, plani i rehabilitimit, referimi)?
Si bashkëpunon punonjësi social me mjekun për rastet e dhunës në familje apo dhunës ndaj fëmijëve që evidentohen gjatë vizitave mjekësore?
Cilat janë aktet ligjore dhe rregulloret që përcaktojnë detyrimet e punonjësit social në shërbimin shëndetësor?

Në sistemin e drejtësisë:

Cili është roli i punonjësit social në rastet që përfshijnë fëmijët në konflikt me ligjin ose si viktima?
Cili është roli I punonjësit sociale në situatat e divorceve?
Cilat dokumente përgatit një punonjës social për organet e drejtësisë në rastet e ndjekjes penale ndaj prindërve ose kujdestarëve ligjorë?
Si ndërvepron punonjësi social me policinë gjyqësore, prokurorinë dhe gjykatën për garantimin e interesit më të mirë të fëmijës?
Përmendni bazën ligjore që udhëheq punën e punonjësit social në fushën e drejtësisë (Kodi Penal, Ligji për të Drejtat e Fëmijëve, Ligji për Mbrojtjen nga Dhuna në Familje, etj.).

Në organizatat joqeveritare:

Cili është roli i punonjësit social që punon në një OJF që ofron shërbime për fëmijë në situatë rruge ose viktima të trafikimit?
Cilat dokumente dhe protokolle duhet të zbatojë punonjësi social për ofrimin e shërbimeve në përputhje me standardet minimale të kujdesit?
Si garanton punonjësi social qëndrueshmërinë e ndërhyrjes dhe lidhjen e rasteve me systemin e mbrojtjes së fëmijëve?
Cilat janë ligjet dhe udhëzimet që duhet të ndjekin OJF-të në ofrimin e shërbimeve sociale?

Në njësitë vendore dhe shërbimet sociale:

Cili është roli i punonjësit social pranë Njësisë për Mbrojtjen e Fëmijëve (NJMF) ose strukturave të tjera të pushtetit vendor?
Cilat janë dokumentet që harton dhe administron punonjësi social në këtë strukturë (formularët e vlerësimit, planet e ndërhyrjes, raportet mujore/vjetore, etj.)?
Si përfshihet punonjësi social në Grupin Teknik Ndërsektorial të rasteve të fëmijëve në rrezik?
Cilat janë dokumentet ligjore dhe nënligjore që përcaktojnë strukturën dhe funksionimin e shërbimeve sociale në nivel vendor?