Muaji Mars, Muaji i Punës Sociale

“Puna sociale është profesion fisnik, fisnike është edhe puna e cdo punonjësi socialë në cdo cep të vendit tonë”.

Ne nuk jemi vetëm disa njërez të mirë, me vlera të larta humane, zemër të madhe por jemi profesionistë të mirëedukuar që në bankat e fakulteteve.

Është e pamundur që secili prej nesh në një moment të caktuar të jetës të mos ketë nevojë për ndihmën dhe shërbimet e një punonjësi social sepse secili prej nesh përballet me një sfidë në një moment të caktuar të jetës.

Nëse ju jeni një çift i ri që sapo prisni të bëheni prindër, kush do ju ndihmojë që të menaxhoni pa ankth dhe stres periudhën e shtatëzanisë, apo kush do ju japë këshillat për një prindërim pozitiv?-Punonjësi social në sistemin shëndetësor

Më vonë fëmija juaj do shkojë në shkollë, e mbase mund të ndeshë probleme që nga performanca akademike e deri tek bullzimi dhe madje mund të ketë momente që mund të kërkojë të braktisë shkollën.  Kush ju qëndron pranë fëmijëve duke i këshilluar?-Punonjësit socialë shkollor.

Më vonë në jetë, ndoshta mund të përballemi me një nga ato problemet e të rriturve, një problem në çift, familje apo një divorc. Kujt do i drejtoheni për këshillim dhe terapi?- Punonjësit social klinikë.

E nësë kthejmë sytë nga problemet që ndeshin shoqëritë, nga fëmijët në konlikt me ligjin deri tek të rriturit autor të veprave penale. Ku i kemi shpresat për të na ndihmuar të fitojmë mbrapsht dhe me dinjitet një fëmijë apo një të rritur?- Tek punonjësit socialë në sistemin e drejtësisë.

Publiku shpesh ndeshet me lajme të rënda, të abuzimit të fëmijëve dhe dhunës në familje. Kush është në vijën e parë të ndërhyrjes duke siguruar mbështetje psikoemocionale, duke bërë vlerësim të detajuar të situatës dhe duke referuar viktimat e dhunës në shërbimet e duhura?- Punonjësit socialë të shërbimeve sociale të njësive vendore dhe punonjësit socialë pranë organizatave të shoqërisë civile.

Pastaj, kemi ato cështjet vërtet të vështira familjare ku prindërit apo të afërmit tanë të moshuar mund të jenë sëmurë, por këmbëngulin të jetojnë të pavarur. Kush kujdeset që jeta e tyre të ketë cilësi dhe ata të marrin shërbimet e duhura?-Punonjësit sociale të shërbimeve në familje.

Kush jep një kontribut të rëndësishëm për t’u siguruar që ligjet dhe politikat janë të drejta për të gjithë dhe të përmirësohen për t’ju përshtatur nevojave më të cilën ndeshen shoqërite? Punonjësit socialë pjesë e botës akademike e shoqërise civile.

Muaji Mars është Muaji i Punës Sociale, dhe zgjedhim që gjithë muajn tja dedikojmë profesionit në shenjë falenderimi dhe promovimi për qëllimin e rëndësishëm që ka, atë të humanizmit dhe të ndihmës ndaj atyre që nuk janë në gjendje të përballojnë vet vështirësitë e jetës.